Reshjet e mëdha të borës ditëve të fundit në Kosovë kanë shkaktuar vështirësi në qarkullim në shumë komuna.

Si çdo vit tjetër, edhe këtë vit duket se drejtuesit e institucioneve përgjegjëse, bora në dimër i ka nxënë “pa përgatitur”.

Disa banorë në komuna të ndryshme janë detyruar që borën në rrugë ta largojnë vetë, e njëjtë ka ndodhur edhe në komunën e Dragashit.

Një qytetar ka raportuar tek lajmi.net se ai dhe bashkëfshatarët e tij në fshatin Pllajnik janë detyruar që me lopata ta heqin borën e madhe që ka mbuluar rrugët dhe ka vështirësuar qarkullimin.

Ai ka përmendur se në këtë periudhë kohore, kryetari i Dragashit Bexhet Xheladini po qëndron në Zvicër nga ku edhe ka publikuar fotografi duke pirë nargile, siç njihet në popull edhe “shisha”.

Derisa kryetari po pushon e bën “qef” në Evropë me rrugë të pastruara nga bora, banorët e Dragashit po përvjelin mëngët që t’ia kryejnë vetë punëve që i takojnë komunës./Lajmi.net/

Video: