Përveç se do të ndryshojnë në pamje, këto kartëmonedha kanë karakteristika të reja të sigurisë, në mënyrë që të parandalohet falsifikimi i tyre.

Dizajni i ri i kësaj kartëmonedhe lejon përdoruesit e saj që shumë lehtë të identifikojnë nëse kartëmonedha është origjinale apo jo.

Mjafton që kartëmonedha të shikohet në dritë dhe nëse në anën e majtë të saj, pikërisht përfundi flamurit të Bashkimit Evropian shfaqet portreti i Europa-s (figurë mitologjike greke), atëherë ajo kartëmonedhë është origjinale. Dhe nëse e njëjta kartëmonedhë shikohet në errësirë, atëherë kornizat e numrit 10 do të errësohen.

Më herët gjatë këtij viti, ndryshim në pamje pati edhe kartëmonedha në vlerë nominale prej 5 eurove.