Ballkani e nis sot aventurën në fazën e grupeve në Ligën e Konferencës për herë të dytë në dy vitet e fundit.

Kampioni i Kosovës do të ketë punë në udhëtim me Viktoria Plzen në Çeki, në kuadër të Grupit C, shkruan lajmi.net.

“Portokallezinjtë” do të kenë përkrahje edhe në tribuna nga një numër i tifozëve.

Për këta të fundit klubi suharekas ka dalë me një njoftim të rëndësishëm në faqen zyrtare.

“Për t’u orientuar drejt stadiumit ku do të zhvillohet sonte ndeshja Viktoria Plzen – Ballkani, po ua paraqesim përmes hartës se si të arriihet deri aty, derisa me të kuqe e keni të ditur edhe pjesën se ku do të jenë të vendosur tifozëria jonë” – njoftoi Ballkani duke publikuar edhe disa fotografi të hartave afër stadiumit.

Ndeshja e sotme mes Viktoria Plzen dhe Ballkanit zhvillohet nga ora 21:00.

Në Grupin C së bashku me Ballkanin dhe Viktoria Plzen janë edhe Dinamo Zagreb e Astana./Lajmi.net/