Gareth Bale është duke u ballafaquar me telashe të mëdha në fillimin e aventurës së tij në La Ligë te Real Madrid, dhe spekulohet se mund të kërkojë ‘shpëtim’ në Premierligë.

Sipas të përditshmes britanike Metro, kampioni i Anglisë, Manchester United – klub që ishte i interesuar për uellsianin edhe para kalimit të tij në Santiago Bernabeu gjatë verës – vazhdon ta përcjell atë.

Bale ka vuajtur nga lëndimet e njëpasnjëshme dhe forma e dobët, pas kalimit në Madrid dhe së fundmi u kritikua nga mediet spanjolle pas paraqitjes së zbehtë në humbjen 2-1 nga Barcelona në El Clasico.

Ish ylli i Tottenhamit u zëvendësua pas një ore lojë derisa përballet me presion të madh dhe parashikime po ashtu të mëdha pas çmimit prej 100 milionë euro që pagoi Reali për transferimin e tij.