Agjencia e Ushqimit dhe Veterinarisë, ka njoftuar se përmes Komisionit Evropia – Sistemit të Alarmimit të Shpejtë për Ushqim dhe Ushqim për Kafshë, kanë pranuar një njoftim lidhur me porduktin ushqimor të qumështit “Aptamil”.

Siç ka njoftuar AUV, aty është identifikuar prania e bakteries Bacillius cereus, dhe është kërkuar tërheqja e këtij produkti nga tregu, shkruan lajmi.net.

“Duke marrë parasysh se niveli i rrezikut është vlerësuar si serioz, Agjencia e Ushqimit dhe Veterinarisë, në përputhje me procedurat e sistemit RASFF, është duke ndërmarrë të gjitha masat e nevojshme për gjurmueshmërinë dhe tërheqjen nga tregu të produktit APTAMIL me lot nr. 111444865, i importuar nga Mbretëria e Holandës nga kompania UNION SH.P.K., Vushtrri. Agjencia e Ushqimit dhe Veterinarisë mbetet e përkushtuar në monitorimin e vazhdueshëm të tregut dhe të zinxhirit ushqimor, duke zbatuar masa parandaluese dhe kontrolluese, me qëllim që konsumatorëve në Republikën e Kosovës t’u garantohet ushqim i sigurt, i shëndetshëm dhe në përputhje me standardet kombëtare dhe ndërkombëtare të sigurisë ushqimore”, ka thënë Auv. /Lajmi.net/