I pari i AAK-së, Ramush Haradinaj, ka propozuar që pas zgjedhjeve të përgjithshme të bëjnë bashkëpunim me PDK-në dhe LDK-në për postin e kryeministrit.

Pak më parë këtij propozimi i reagoi deputeti i VV-së, Mefail Bajqinovci përmes një postimi në rrjetin social në Facebook.

Sipas Bajqinovcit, Kosova është çorba e preferuar e Ramushit.

‘’Kosova, çorba e preferuar e Ramushit. Një vit unë e ngjyj unë, një vit LDK, një vit PDK, e vitin e fundit kush të mundet’’, ka shkruar Bajqinovci.

Ndërkaq, ky propozim ngjalli edhe zëra të tjerë. Lidhur me këtë ka reaguar edhe nga PDK-ja. Deputeti i PDK-së, Mergim Lushtaku ka shkruar se ka përfunduar koha kur partitë e vogla e kanë parë karrigen e kryeministrit si dhuratë./Lajmi.net