Deputeti i Kuvendit të Kosovës nga partia në pushtet, Lëvizja Vetëvendosje, Mefail Bajqinovci, ka folur për numrin e të regjistruarve nga mërgata për votim në zgjedhjet e ardhshme të përgjithshme në vend.

93 mijë është ky numër deri më tani ka thënë ai.

Madje këtë e ka cilësuar si sukses të madh e dëshmi përkushtimi ndaj Kosovës.

“Lajm i shkëlqyer nga mërgata jonë! Deri në këto momente, numri i të regjistruarve nga mërgata për votim ka arritur në 93 mijë! Ky është një sukses i madh dhe një dëshmi e përkushtimit tuaj ndaj Kosovës”, shkroi ai në llogarinë e tij në Facebook.

Ai pati edhe një mesazh për mërgatën në fund të postimit të tij.

“Të bëhemi 100 mijë nga mërgata të regjistruar dhe 100 mijë me datën 9 shkurt fizikisht në Kosovë. 200 mijë votues nga mërgata. Afati për regjistrim përfundon sonte, deri në ora 23:59”, shkroi ai./Lajmi.net