Bad News Eagles do të kthehen sonte për një tjetër përballje në kuadër të IEM Rio Major.

Skuadra kosovare e Counter-Strike: Global Offensive, bNe do të luajnë sonte ndeshjen e tyre të tretë në Rio, shkruan lajmi.net.

Pas dy fitoreve radhazi ndaj 00Nation dhe BIG, shqiponjat kosovare do të kenë punë me GamerLegion.

Ndeshja mes bNe dhe GamerLegion luhet sonte me fillim nga ora 21:00, sipas orarit të ‘Hltv’.

Të dyja skuadrat janë në rekord 2:0 dhe synojnë që me një fitore eventuale të shkojnë në Legend Stage.

BNE dhe GL kanë tri ndeshje në dispozicion për të arritur atë fazë, pasi secilës skuadër i duhen tri fitore në total, nga Challenger stage. /Lajmi.net/