Video është xhiruar në Britani dhe dëshmitari i cili ka realizuar xhirimin, është habitur kur ka parë skenën kur babai dhe djali po largohen nga një bar në West Sussex.

“Pasi e hodha videon në Facebook shumë nga komentuesit menduan se babai ishte aq i dehur sa nuk shkonte dot në shtëpi dhe i biri kishte vajtur për ta marrë”, thotë ai.

Por e vërteta është ndryshe, pasi që ky baba ka në dorë një telekomandë me të cilën drejton makinën e të birit, ndërsa ky i fundit ndihet krenar sepse tashmë është ai që mund t’i bëjë xhiro babait të tij me makinë.