Tre persona të maskuar me rrobat e babadimrit kanë plagosur dy persona sot në qytetin e Prizrenit rreth orës 9:00 të mëngjesit.

Këta persona kanë tentuar të grabisin një argjendari në qytet. Pas plagosjes së këtyre dy viktimave, ata janë larguar nga vendi i ngjarjes dhe aktualisht janë në arrati.

Drejtori i Policisë në Prizren, Nexhmi Krasniqi, tha se “babagjyshërit” janë përleshur me pronarin e argjendarisë të cilit i ka dalë në ndihmë një fqinj i tij.

“Njëri nga të maskuarit ka gjuajtur me pistoletë dhe ka plagosur dy argjendarët”, ka thënë Krasniqi, transmeton TV Prizreni.

Në vendin e ngjarjes ka dalur edhe kryeprokurori i Prizrenit, Sylë Hoxha.

Një rast i ngjashëm i grabitjes kishte ndodhur ditë më parë edhe në Tiranë.