Kjo është bërë e ditur në një konferencë të mbajtur nga kryetari i Gjykatës Themelore të Gjilanit, Ramiz Azizi, i cili ka shtuar se kjo Gjykatë ka trashëguar 17 mijë e 356 lëndë, ndërkohë ka pranuar 3 mijë e 111 lëndë, gjithsejtë në punë 20 mijë e 467 lëndë.

Sipas tij, gjatë kësaj periudhe është arritur të zgjidhen 3 mijë e 611 lëndë, ndërsa kanë mbetur edhe 16 mijë e 856 lëndë në punë, shprehur në përqindje efikasiteti është 116 %.

Për më tepër ai ka shtuar se një prioritet i’u është dhënë lëndëve të vjetra.

“Gjykata jonë është angazhuar maksimalisht në zgjidhjen e lëndëve të vjetra, në mënyrë që palët mos të presin me vite të tëra, gjithashtu dhe lëndëve të natyrës së korrupsionit”, ka thënë Azizi, shkruan lajmi.net.

I pari i gjykatës ka përmendur që shumë shpejt do të bëhet lansimi ivebfaqes së Gjykatës Themelore të Gjilanit, e cila vebfaqe do të jetë shumë më e qasshme në të dhënat dhe do të mbajë më shumë informata për Gjykatën. /Lajmi.net/