Avni Bytyçi, pjesëtar i ekipit mbrojtës të Kadri Veselit në Gjykatën Speciale në Hagë, ka reaguar lidhur me përdorimin e flamurit të Ushtrisë Çlirimtare të Kosovës në protesta.

Përmes një postimi, Bytyçi ka thënë se flamuri i UÇK-së ka vend në çdo protestë kundër padrejtësisë, duke përmendur sheshet e Prishtinës, Shkupit dhe Tiranës, raporton lajmi.net

Sipas tij, ky simbol i përket rinisë, së ardhmes dhe kombit shqiptar, ndërsa askush nuk mund të pretendojë të flasë në emër të tij.

Postimi i tij i plotë

Flamuri i UÇK-së ka hije kudo, në çdo protestë, në sheshet e Prishtinës, Shkupit dhe Tiranës. Kudo dhe kurdoherë që ngrihet për të protestuar kundër padrejtësisë.
Nga Prishtina në Tiranë, flamuri i UÇK-së i takon rinisë, së ardhmes dhe kombit shqiptar.
Askush nuk mund të flasë në emër të tij./Lajmi.net/