Ministri i Jashtëm austriak, Sebastian Kurz ka nisur një turne vizitash në gjashtë vendet e Ballkanit. Në fillim të agjendës së tij, Kurz tha se agjenda e bisedimeve do të përqëndrohet në sjelljen e vendeve të rajonit më pranë BE-së dhe në përpjekjet për zgjidhjen e krizës së refugjatëve në kufirin midis Greqisë dhe Maqedonisë, transmeton lajmi.net.

Sa i përket afrimit të vendeve të Ballkanit me BE-në, Kurz ka thënë se duhet të ketë mbështetje të qartë për hapat e këtyre vendeve në aspektin e reformave të kërkuara.

Nga ana tjetër, Kurz ka paralajmëruar edhe takime të shumta me ndërmarrjet e Austrisë në rajon, për të hapur vende pune në Austri. Punësimet nga rajoni, në një kohë kur vala e refugjatëve nga jashtë kontinentit po kalon masat, është duke u parë si një skenar i cili duhet zbatur nga autoritetet evropiane.

Për këtë, ministri i Jashtëm austriak thotë se qëllimi nuk është që të presim se çfarë Greqia është duke bërë, por për të gjetur një zgjidhje me Shkupin për të ndaluar valën e refugjatëve në kufirin midis Greqisë dhe Maqedonisë.

“Megjithatë, kjo nuk na pengon për të aplikuar masat tona kombëtare në kufi”, ka thënë Kurz. /lajmi.net