Audi freskon modelin A7 për vitin 2015
Pas debutimit të tij në vitin 2010, Audi ka bërë të ditur se modeli A7 ka nevojë për një freskim për vitin 2015.
![](https://lajmi.net/wp-content/uploads/media/image/201405/full/18372600_19209600.jpg)
Auto & Tek
Kështu që për vitin 2015 modeli me katër dyer merr më shumë fuqi, ndërrues të ri të shpejtësive, drita të reja dhe një sistem të ri kompjuterik.
I bërë në një dizajn atletik, Audi ka ri-ndërtuar grilat e tij, mbrojtëset anësore, mbrojtëset para dhe prapa dhe ka vendosur drita LED standarde në pjesën e përparme dhe atë mbrapa.
Dritat LED në krye të veturës kombinohen me sinjalizuesit dinamik të kthimit, të cilët vijnë standard anash.
Modeli i ri A7 vjen me një zgjedhje prej 3 motorëve, prej një motori 3.0 litërsh V6 i cili dërgon 218 kuaj-fuqi në rrotat e para e deri tek njësia TFSi 4.0 litërsh i radhitur në 450 kuaj-fuqi. Ndryshe nga motori TDI dizel 3.0, i cili dërgon 320 kuaj-fuqi përmes tetë shpejtësive tiptronike.
Në brendësi të veturës, një linjë horizontale e rrethon shoferin dhe pasagjerin në kabinën e dizajnuar me materiale të reja të Valcona-së dhe pjesëve të aluminit.
Pesë ngjyra të reja janë mundësuar për ulëset të cilat janë të pajisura me ventilim dhe funksione të masazhimit, përderisa sistemi operativ i radios vjen si standard.
Sa i përket sistemit informues kompjuterik, Audi ofron një navigacion të avancuar me një ekran MMI prekës, ku automatikisht lidhet me sistemin e Audi-së.