Atletico Madrid dhe Real Madrid ndeshen sonte në Vicente Calderon në takimin e parë në çerekfinale të Ligës së Kampionëve.

Dhe, skuadra vendase do të jetë optimiste për rezultat pozitiv duke u bazuar në bilancin e gjashtë ndeshjeve të fundit kundër Los Blancos, ku kanë shënuar katër fitore dhe dy barazime.

Edhe më e befasishme është statistika e publikuar nga e përditshmja sportive madrilene “AS”, që zbulon se Atletico i shënon Realit në çdo të dytin tentim në portë.

11 golat e realizuar në gjashtë derbit e fundit, erdhën pas vetëm 21 tentimeve në portën e kundërshtarit.

Kurse, Reali ka efikasitet të zbehtë ndaj Atleticos prej 13 për qind.