Hoxha Bujar Amerllahu nga fshati Shalë i Komunës së Lipjanit është arrestuar para disa javësh, nën dyshimin për përfshirje në veprat penale “Fajde” dhe “Detyrim”.

Sipas informacioneve të publikuara nga Betimi për Drejtësi, ndaj Amerllahut është caktuar masa e paraburgimit prej një muaji, nga data 30 gusht deri më 30 shtator 2025, transmeton lajmi.net.

Amerllahu, sipas postimeve të mëhershme në faqen zyrtare të Këshillit të Bashkësisë Islame në Lipjan, në vitin 2020 ishte verifikuar si anëtar i Bashkësisë Islame të Republikës së Kosovës me mandat katërvjeçar.

Këshilli i Bashkësisë Islame në Lipjan nuk ka dhënë ende ndonjë përgjigje publike nëse Amerllahu vazhdon të mbajë pozitën e tij brenda këtij institucioni fetar./lajmi.net/