Një person është arrestuar në fshatin Demjan të Gjakovës, nën dyshimin se ka shtënë me armë gjatë një ahengu familjar.

Sipas raportit 24-orësh të Policisë së Kosovës, rasti ka ndodhur të shtunën rreth orës 22:00.

Gjatë intervistimit, i dyshuari ka pranuar se kishte shtënë me një armë me gaz, të cilën më pas e ka dorëzuar në polici.

Me vendim të prokurorit, ai është liruar në procedurë të rregullt, ndërsa rasti vazhdon të trajtohet nga organet kompetente. /Lajmi.net/