Sot, rreth orës 11:00, gjatë kalimit transit nëpër territorin e Serbisë, është ndaluar dhe arrestuar nga policia serbe shtetasi i Kosovës, Mit’hat Lozhani.

Lajmi është bërë i ditur nga avokati Arianit Koci, i cili ka theksuar se ky nuk është një rast i izoluar, por pjesë e një praktike që po përsëritet ndaj shtetasve të Kosovës që udhëtojnë transit nëpër Serbi., transmeton lajmi.net.

Sipas tij, këto ndalime po krijojnë pasiguri reale për qytetarët dhe po cenojnë lirinë e lëvizjes.

Avokati ka kërkuar që këto arrestime të ndalen dhe që institucionet e Kosovës ta trajtojnë këtë çështje si problem serioz të sigurisë kombëtare, duke kërkuar edhe ndërmjetësimin e bashkësisë ndërkombëtare.

Ai ka theksuar se diplomacia e Kosovës duhet të reagojë fuqishëm dhe pa hezitim, duke mos përjashtuar masa konkrete politike, përfshirë edhe mbylljen 24-orëshe të kufirit, në rast se arrestimet e shtetasve të Kosovës gjatë transitit nëpër Serbi vazhdojnë.

Sipas tij, nga ana e mbrojtjes ligjore po bëhet maksimumi i mundshëm në nivel individual, por mbrojtja efektive e qytetarëve të Kosovës nuk mund dhe nuk duhet të mbetet vetëm përgjegjësi e avokatëve. Ai ka theksuar se kjo është përgjegjësi e drejtpërdrejtë e shtetit të Kosovës, si brenda ashtu edhe jashtë kufijve të tij.

Postimi i plotë: