Një i mitur është arrestuar në Ferizaj nën dyshimin për veprat penale “Kanosje” dhe “Asgjësim apo dëmtim i pasurisë”.

Sipas raportit 24-orësh të Policisë së Kosovës, rasti është raportuar më 11 qershor 2026, rreth orës 09:40, ku i dyshuari, mashkull kosovar i mitur, dyshohet se ka kanosur anëtarë të familjes së tij dhe njëkohësisht ka dëmtuar një derë.

Policia ka ndërmarrë veprimet e nevojshme hetimore dhe ka arrestuar të dyshuarin, i cili më pas është intervistuar në prani të procedurave ligjore për të mitur.

Me vendim të prokurorit, i mituri është dërguar në mbajtje, ndërsa hetimet lidhur me rastin janë duke vazhduar. /Lajmi.net/