Një person i kërkuar me urdhëresë të gjykatës është arrestuar të premten në Skenderaj nga zyrtarët e Stacionit Policor, pas një aksioni të zhvilluar në orët e hershme të mëngjesit.

Sipas Policisë së Kosovës, arrestimi është realizuar pas veprimeve operative dhe grumbullimit të informatave për vendndodhjen e të dyshuarit, transmeton lajmi.net.

Policia ka kryer bastisje në shtëpinë e tij në Skenderaj, ku ai është lokalizuar dhe më pas është arrestuar.

Pas përfundimit të procedurave policore, i arrestuari është dërguar në institucionin korrektues për vuajtjen e dënimit me burgim në kohëzgjatje prej katër vitesh, në bazë të urdhëresës së gjykatës kompetente.