Një person është arrestuar pasi dyshohet se përmes rrjeteve sociale e kishte kërcënuar kryetarin e KQZ-së, Kreshnik Radoniqi.

Rastin për lajmi.net e ka konfirmuar zëdhënësja e Prokurorisë Themelore në Prishtinë, Kaltrina Shala.

“Referuar kërkesës suaj për informim, ju njoftojmë se, me urdhër të Prokurorit të Shtetit, është ndaluar për 48 orë një person me inicialet H.B., i cili dyshohet për kryerjen e veprës penale “Kanosja”, sipas nenit 181 të Kodit Penal të Republikës së Kosovës. Lidhur me këtë rast, Prokurori i Shtetit është duke ndërmarrë të gjitha masat dhe veprimet e nevojshme hetimore, në përputhje me dispozitat ligjore në fuqi”, deklaroi ajo.

Kërcënimi kishte ndodhur me datën 9 shkurt dhe sipas burimeve të klankosova, i dyshuari është 32-vjeçar dhe arrestuar në pikën kufitare në Vërmicë./lajmi.net/