Policia e Kosovës ka kryer sot një aksion të gjerë në kuadër të Drejtorisë për Hetimin e Krimeve Ekonomike dhe Korrupsion të Policisë Kosovës.

Në prangat e Policisë së Kosovës sot ka përfunduar Nazmi Mulaku, i njohur ndryshe si “Bio Mulaku”.

Siç mësohet, i njëjti është arrestuar në lokalin e tij në Vushtrri të cilin e shfrytëzonte për punën e tij “kinse prej doktori”.

Nazmi Mulaku mësohet të  jetë arrestuar nën dyshimin  e kryerjes së veprave penale-Ushtrim i kundërligjshëm i veprimtarisë mjekësore dhe mashtrim.

Duhet përkujtuar që “Bio Mulaku” punonte prej vitesh në Vushtrri, kinse në shërimin e shumë sëmundjeve, madje edhe atyre inekzistente në Mjekësi.

I njëjti lirshëm mund të thirrej si “mjek popullor”. Madje ai shpesh herë ka publikuar edhe video-incizime duke u paraqitur si shërues i problemeve të shumta./Lajmi.net/