Është arrestuar edhe një person, i dyshuar për vendosjen e një granate dore në afërsi të ordinancës “Medica” të gjinekologut Afrim Veliu në Prishtinë.

Këtë e ka konfirmuar Policia e Kosovës përmes raportit 24 orësh, shkruan lajmi.net.

“Më 03.06.2025 pas veprimeve hetimore lidhur me rastin është arrestuar edhe i dyshuari i dytë mashkull kosovar dhe i njëjti pas intervistimit me vendim të prokurorit është dërguar në mbajtje”, ka njoftuar policia.

Një i dyshuar në lidhje me këtë rast vetëm se ishte arrestuar disa ditë më parë dhe ndodhet në paraburgim.