Policia e Kosovës ka njoftuar se është ndaluar Z.B (40-vjeçar), i cili po kërkohej për organizim dhe pjesëmarrje në grupe terrosite.

Në njoftimin e Policisë, thuhet se Z.B., është i dënuar me 3 vjet burgim.

“Më datën 18.11.2024 rreth orës 14:00,  policët e stacionit në Han të Elezit kanë ndaluar personin Z. B. (M/K), i moshës 40-vjeçar, i cili ishte i kërkuar me urdhëresë të gjykatës Themelore të Prishtinës, për veprën penale ‘Organizimi dhe pjesëmarrja në grupe terroriste’ me dënim burgimi në kohëzgjatje prej tre (3) vjetësh”, thuhet në njoftim.

Bëhet e ditur se pas kompletimit të dokumentacionit, i pandehuri është dërguar në vuajtje të dënimit.