Policia e Kosovës ka njoftuar se janë arrestuar dy persona të dyshuar për grabitje.

Sipas njoftimit të lëshuar nga Policia thuhet se rasti ka ndodhur me datën 24 janar 2025 në fshatin Trudë, saktësisht në një pompë derivatesh.

Derisa puna e hetuesve policor ka rezultuar me identifikimin dhe arrestimin e personave të dyshuar (meshkuj) V.I. 34 vjeç, dhe L.B 33 vjeç, të dy shtetas të Republikës së Kosovës, për të cilët ekziston dyshimi se të njëjtit kanë qenë të përfshirë në rastin e grabitjes.

“Personat e dyshuar me vendimin e prokurorit të shtetit janë ndaluar në mbajtje përderisa hetuesit po kryejnë të gjitha veprimet e nevojshme hetimore e procedurale lidhur me rastin”, thuhet në komunikatë. /Lajmi.net/