Arijanet Muric drejt largimit nga Ipswich – Serie A apo Ligue 1 hapin dyert për portierin e Kosovës

Sport

09/07/2025 18:29

Portieri i Ipswich Town, Arijanet Muric, pritet të largohet nga klubi gjatë kësaj vere, pasi pozita e tij si zgjedhja e parë është në pikëpyetje.

Reprezentuesi i Kosovës iu bashkua Ipswichit verën e kaluar nga Burnley, duke marrë rolin e titullarit pas promovimit të klubit në Ligën Premier. Megjithatë, ai u zëvendësua fillimisht nga Christian Walton, ndërsa në janar klubi solli Alex Palmer nga West Brom, i cili e mori vendin e titullarit.

Situata e Muric është komplikuar edhe më tej me transferimin e David Button, duke e çuar në pesë numrin e portierëve te Ipswich. Me Cieran Slicker që pritet të huazohet, Muriç mund të jetë i radhës që largohet.

Sipas Fussball Transfers, Sassuolo, që sapo është rikthyer në Serie A, ka bërë një ofertë për Muric, ndërsa edhe AS Monaco nga Ligue 1 ka shfaqur interesim.

Portieri 26-vjeçar raportohet se është i hapur për një transferim larg Anglisë, ku e ka kaluar pjesën më të madhe të karrierës.

Një kalim te Monaco do të ishte një lëvizje surprizë, por Sassuolo shihet si një opsion më realist.

Mbetet për t’u parë nëse oferta e klubit italian është për transferim të përhershëm apo huazim, ndërsa gjithçka do të varet nga kushtet që do të vendosë Ipswich për largimin e tij.