Opinionisti Avni Arifi deklaroi se kryeministri Albin Kurti dikur ka qenë kundër çdo procesi dhe se partia e tij ka votuar edhe kundër përfundimit të pavarësisë së mbikëqyrur.

Sipas Arifit, nga një intervistë e presidentes ka kuptuar mes rreshtash se Kosova mund të përjashtohet edhe nga Procesi i Berilinit.

“Në Parlamentin e Kosovës, Lëvizja Vetëvendosje ka votuar kundër përfundimit të pavarësisë së mbikëqyrur. Në Parlamentin e Kosovës Lëvizja Vetëvendosje ka votuar kundër MSA-së. Por harrohen këto gjëra, nuk po kthehemi shumë, edhe pse ka tendencë thjesht me ja u përkujtu qëndrimet”, deklaroi ai.

Arifi tutje shtoi se ne shqiptarët jemi populli i vetëm në Evropë që e dimë më së miri çka të ndodhë nga izolimi dhe se çdo politikë që e izolon Kosovën nga çdo proces, edhe nëse dalin disa numra interesantë, ne jemi humbësi.

“Proces i Berlinit nuk është që do të na dëmtojë vetëm nga temat sektoriale, por Kosova si një vend i izoluar po e vetëkrijon njëfarë edhe imazhi shumë të keq te bizneset gjermane, te bizneset evropiane. Një biznesmen serioz kurrë nuk interesohet për një vend pa u interesuar së pari se cili është pozicioni i shtetit tim ndaj tij”.

“Kosova e përjashtuar nga procesi i Berlinit, po e them kushtimisht, edhe në intervistën e presidentes unë e pashë një siguri mes rreshtave, ajo ishte e bindur, mund të jem gabim, por e pata një bindje që ajo po e di që kanë për të na përjashtuar nga procesi i Berlinit”, deklaroi Arifi. /Klankosova