Këshilltari i të parit të AAK-së, Avni Arifi, i është përgjigjur kërkesës së LDK-së, e cila ka kërkuar që Ramush Haradinaj të ja lëshoj postin Mustafës, duke i thënë se modeli i qeverisjes së Prishtinës është edhe më i keq se modeli qeverisës i Hashim Thaçit.

Përmes një postimi në rrjetin social Facebook, Arifi ka shkruar se një qeverisje si ajo e Prishtinës, nuk i duhet Kosovës.

Më poshtë mund të lexoni postimin e plotë të Avni Arifit:

 Ne në AAK kërkesën e degëve të LDK të orkestruar nga z. Mustafa për postin e Kryeministrit shohim si kërkesë për:

 1) SHKARKIM të MANDATARIT

 2) FAKTURIM PERSONAL Ramush Haradinajt për humbjen e Kryeparlamentarit.

 3) RINGJALLJE e qeverisjes status quo dhe të dobët të Prishtinës nga LDK- Mustafa

 Ndryshimi nga qeverisja Thaçi në qeverisjen çfarë e kemi pa në Prishtinë nuk i duhet Kosovës.

 Ne nuk mundemi dhe nuk do të pranojmë kërkesa të tilla. Po gaboni….