Me 20 janar të këtij viti, personazhi i njohur, Arianit Sllamniku u arrestua pas raportimit të lajmi.net ku ai pretendonte se shëron autizmin dhe sëmundje tjera të ndryshme me metoda eksperimentale.

Pas arrestimit të tij, me 12 shkurt, Sllamniku ishte dënuar nga Inspektorati Shëndetësor veç me një gjobë 20 mijë euro, përkundër që në ordinancat e tij ishte zbuluar se po ushtroheshin metoda eksperimentale shëndetësore nga një person i pa licencuar si Arianit Sllamniku.

Në dokumentet që ka siguruar lajmin.net raportin e Inspektoratit, tregohet se gjatë inspektimit në njërën nga ordinancat e Sllamnikut ishin gjetur shiringa, pipeta që përdoreshin për realizimin e klizmave dhe po ashtu ishin gjetur medikamente tjera.

Sllamniku e ka një diplom baçelor në studimet të integrimeve evropiane dhe pretendonte se mund të shëroj autizmin dhe disa sëmundje të tjera.

Përkundër që ushtronte konsulta mjekësore, pa licencë pune dhe pa diplomë mjekësore, Sllamniku u dënua me 20 mijë euro./lajmi.net/