Sekretari i Shtetit për Punë të Jashtme i Mbretërisë së Bashkuar, David Lammy tha se qeveria e re e Kosovës duhet formuar shpejt dhe se kjo “është esenciale në këto momente sfiduese”.

Është diçka që është shumë shumë e vlefshme për Mbretëria e Bashkuar është “mik dhe partner kyç” i Kosovës, ndërsa shtoi se “janë disa gjëra që duam t’i shohim me zhvillimin e këtij partneriteti”.

Lammy dha garanci për interesin e Britanisë në rajonin e Ballkanit Perëndimor gjatë vizitës në Kosovë të mërkurën, duke i kërkuar Kosovës dhe Serbisë që të bëjnë përparim në bisedimet e normalizimit, raporton ndërkombëtare e lajmeve, Associated Press.

David Lammy ishte në ditën e dytë të një vizite në Kosovë ku u takua me zyrtarë të lartë të saj, duke i bërë thirrje Prishtinës që të formojë shpejt një kabinet të ri pas zgjedhjeve parlamentare të vendit të 9 shkurtit.

Teksa Lëvizja Vetëvendosje e kryeministrit Albin Kurti, fitoi 48 vende në parlamentin prej 120 vendesh, duke mos pasur një shumicë, shkruan lajmi.net.

Lammy i siguroi zyrtarët kosovarë se “MB-ja vazhdon të luajë rolin e saj thelbësor si një mik dhe partner kryesor i këtij kombi të madh”.

Sekretari shprehu mbështetjen për bisedimet e normalizimit Kosovë-Serbi të lehtësuara nga BE.

“Ky është një rajon që ka rëndësi për Britaninë”, tha ai në një konferencë pas takimit me Presidenten Vjosa Osmani. “Ne duam një normalizim të qëndrueshëm dhe paqësor”, ka thënë Lammy.

Ndryshe marrëdhëniet Kosovë-Serbi ende mbeten të tensionuara dhe bisedimet 14-vjeçare të normalizimit të ndihmuara nga BE-ja nuk kanë arritur të bëjnë përparim.

Ndërkaq BE-ja dhe Shtetet e Bashkuara i kanë kërkuar Kosovës dhe Serbisë të dyja palët që të zbatojnë marrëveshjet e arritura dy vjet më parë, të cilat përfshijnë angazhimin e Kosovës për të krijuar një Asociacion të Komunave me Shumicë Serbe dhe obligimin e Serbisë për të ofruar njohjen de facto të Kosovës. /Lajmi.net/