Carlo Ancelotti e konsideron mjaft të fortë kundërshtarin e çerekfinales së Ligës së Kampionëve, Borussia Dortmudin.

Trajneri i Real Madridit thotë se është e nevojshme që ekipi i tij të luajë me guxim dhe karakter.

“Nëse duam ta eliminojmë Dortmundin, dueht të jemi të guximshëm dhe me karakter. Është nëj ekip shumë i fortë, me përvojë dhe me lojtarë të mëdhenj”, deklaroi trajneri italian.

Ish trajneri i Juventusit, Milanit, Chelseat dhe PSG’së beson se Dortmundi do të ketë motiv shtesë në Ligën e Kampionëve, pasi nuk ka më gjasa për të luftuar për titull të kampionit në Bundesligë.

“Ekipi gjerman është mjaft i mirë dhe mjaft i organizuar, sidomos në mbrojtje. Ata luajnë shkëlqyeshëm në kundërsulme”, vazhdoi ai.

Sezonin e kaluar, Dortmundi e kishte eliminuar Realin në gjysmëfinale të Championsit, ndërsa në finale humbi nga Bayern Munichu.

“Tremujori final do të jetë krejtësisht i hapur”, përfundoi Ancelotti, i cili e vuri në dukje një tjetër duel interesant, atë spanjoll ndërmjet Barcelonës dhe Atletico Madridit.

Reali do ta zhvillojë ndeshjen e parë ndaj verdh e zinjve më 2 prill në Madrid, ndërsa do të luajë gjashtë ditë më vonë në Gjermani, në lojën e kthimit.