Ambasadori i OSBE-së në Kosovë, Gerard McGurk, ka reaguar pas zgjedhjeve të mbajtura në vend, duke vlerësuar procesin zgjedhor dhe rezultatet e dalura nga votimi.

Në një postim të tij, McGurk ka përgëzuar Komisionin Qendror të Zgjedhjeve (KQZ) për organizimin e një procesi që e ka cilësuar si të suksesshëm. Ai gjithashtu ka uruar liderin e Lëvizjes Vetëvendosje, Albin Kurti, për rezultatin e arritur nga partia e tij në këto zgjedhje.

“E përgëzoj KQZ-në për organizimin e një tjetër procesi zgjedhor të suksesshëm dhe Albin Kurtin për rezultatin e partisë së tij. Votuesit kanë folur; tani përgjegjësia u takon atyre që janë zgjedhur”, ka shkruar McGurk.

Ai ka theksuar gjithashtu nevojën për formimin në kohë të institucioneve të reja dhe ka bërë thirrje që zgjedhja e presidentit të bëhet përmes dialogut dhe kompromisit politik.

OSBE, sipas tij, mbetet e përkushtuar për të mbështetur proceset demokratike dhe stabilitetin institucional në Kosovë. /Lajmi.net/

I congratulate @KQZKosova for delivering another successful election and @albinkurti on his party’s result. Voters have spoken; responsibility now lies with those elected. @OSCEKosovo urges timely formation of institutions, election of President through dialogue and compromise.

— Ambassador Gerard McGurk (@OSCEKosovo_HoM) June 9, 2026