Ambasada gjermane në Kosovë ka shpërndarë sot mesazhin e dhënë nga kancelari gjerman, Friedrich Merz se e ardhmja e vendeve të Ballkanit Perëndimor është në Bashkimin Evropian.

“Vendet e Ballkanit Perëndimor i përkasin familjes sonë evropiane – e ardhmja e tyre është në BE.”, ka thënë kancelari gjerman Merz në Samitin e Procesit të Berlinit që u mbajt në Londër.

“Kancelari Federal Merz theksoi mbështetjen e plotë të Gjermanisë për anëtarësimin e rajonit në BE dhe vuri në dukje rëndësinë e përpjekjeve të përbashkëta në: amigracion, siguri, ekonomi, krimin e organizuar dhe kërcënimet hibride”, thuhet në ripostimin e ambasadës, transmeton lajmi.net.

Ambasada gjermane potencon se Procesi i Berlinit mbetet një platformë e fortë për bashkëpunim dhe përparim të përbashkët në të gjitha fushat./Lajmi.net/