Ambasada e Kosovës në Bern, Zvicër, ka njoftuar se po monitoron nga afër zhvillimet e fundit në Crans-Montana dhe është në gatishmëri për të ndihmuar qytetarët kosovarë.

Në një njoftim zyrtar, ambasada ka vënë në dispozicion dy numra emergjentë për të ofruar mbështetje:

• Numri emergjent i ambasadës: +41 77 479 11 86

• Numri emergjent zviceran për familjet e brengosura: +41 848 112 117

Sipas informacioneve nga Policia zvicerane, në aksidentin tragjik në Crans-Montana kanë humbur jetën të paktën 40 persona, ndërsa mbi 100 të tjerë janë të plagosur.

Ambasada u bën thirrje qytetarëve kosovarë që ndodhen në zonë të qëndrojnë të qetë dhe të kontaktojnë menjëherë nëse kanë nevojë për ndihmë. /Lajmi.net/