Ambasada e Gjermanisë në Kosovë: Duhet marrëveshje me veprime të prekshme – Suksesi i dialogut varet nga përkushtimi i Kosovës dhe i Serbisë
Mark Rutte, sekretar i përgjithshëm i NATO-s, ka thënë se Kosova e Serbia duhet të bëjnë “kompromise të duhura” në dialogun e lehtësuar nga Bashkimi Evropian. Sipas tij, “të dyja palët duhet të fokusohen në dobitë afatgjate”. Lidhur me këtë, Ambasada e Gjermanisë në Kosovë ka thënë se të dyja palët kanë gjetur kompromis në…

Lajme
Mark Rutte, sekretar i përgjithshëm i NATO-s, ka thënë se Kosova e Serbia duhet të bëjnë “kompromise të duhura” në dialogun e lehtësuar nga Bashkimi Evropian. Sipas tij, “të dyja palët duhet të fokusohen në dobitë afatgjate”.
Lidhur me këtë, Ambasada e Gjermanisë në Kosovë ka thënë se të dyja palët kanë gjetur kompromis në marrëveshjet e arritura.
Tutje nga Ambasada thonë se “marrëveshjet e Brukselit dhe Ohrit mbeten të vlefshme dhe plotësisht të detyrueshme në tërësinë e tyre, duke vendosur një kornizë të qartë për procesin e dialogut”.
“Marrëveshjet e Brukselit dhe Ohrit mbeten të vlefshme dhe plotësisht të detyrueshme në tërësinë e tyre, duke vendosur një kornizë të qartë për procesin e dialogut. Të dyja palët kanë gjetur kompromis në marrëveshjet e arritura. Hapat e mëtejshëm janë përcaktuar në këto dokumente dhe është e domosdoshme të fokusohemi në zbatimin e tyre. Si Kosova ashtu edhe Serbia kanë riafirmuar publikisht përkushtimin e tyre për zbatimin e shpejtë dhe të plotë në vitin 2024, edhe në kuadër të planit të rritjes së BE-së. Suksesi i dialogut varet nga përkushtimi i Kosovës dhe i Serbisë për t’i shndërruar marrëveshjet në veprime të prekshme”, thuhet në përgjigjen e ambasadës së Gjermanisë për RTV21.