Mbi 675 delegatë i kanë dhënë mbështetje Ahmetit për të udhëhequr partinë edhe për një mandat.

Pas zgjedhjes së Ahmetit, pritet edhe zgjedhja e Kuvendit partiak, por edhe e Kryesisë qendrore.

Në garën për këto poste janë shumë emra brenda kësaj partie, të cilët pretendojnë se kanë shënuar rezultate pozitive në zgjedhjet e 27 prillit.

“Njeriu që fiton çdoherë nuk duhet të ndërrohet. Do të ketë ndryshime në Kryesinë qendrore, e cila do të zgjerohet nga 21në 33 anëtarë, si dhe në Këshillin qendror, që do të numërojë 81, në vend të 75 anëtarëve, sa ishin deri tash”, theksoi sekretari i përgjithshëm i BDI-së, Abdilaqim Ademi.

Gjithashtu nga kongresi do të dalin edhe emrat e ministrave që do të jenë pjesë e kabinetit të ri qeveritar. (INA)