Qendërmbrojtësi brazilian Alex ka kompletuar transferimin e tij nga Paris Saint-Germain në Milan, duke nënshkruar kontratë dyvjeçare me Rossonerët.

Ish anëtari i Chelseas dhe PSV Eindhovenit i është bashkuar gjigantit italian si futbollist i lirë pas skadimit të kontratës së tij me kampionin nga Ligue 1.

Milan është në kërkim të përforcimeve pas një edicioni dëshpërues ku ka përfunduar në pozitën e tetë në Serie A dhe kjo nënkupton se Rossonerët nuk do të luajnë në edicionin e ardhshëm të Ligës së Kampionëve.

Alex bëhet përforcimi i dytë i Milanit gjatë këtij afati kalimtar të verës pas angazhimit të portierit Michael Agazzi nga Chievo.