Aktivisti i LDK-së, rreth gjysmë milioni euro borxh Komunës së Prishtinës
Në qeverisjen e kryeqytetit, Isa Mustafa nuk i ngacmoi shumë aktivistët e LDK-së që kishin borxhe ndaj Komunës së Prishtinës.
Lajme
Qeverisja e re komunale që udhëhiqet nga Lëvizja Vetëvendosje, po pretendon se një aktivist i LDK-së ua ka borxh rreth gjysmë milioni euro, në emër të taksës së lejes së ndërtimit.
Nexhat Rexhepi, apo siç njihet ndryshe Nexhat Dumnica, figuron që i ka Komunës së Prishtinës fiks 473,757.80 euro borxh për lejen e ndërtimit të një objekti në lagjen ‘Arbëria 3’, shkruna gazeta Tribuna.
Sipas të dhënave të Komunës, Rexhepi që është pronar i kompanisë ndërtuese të komplekseve banesore “Dumnica Group”, është dashur t’ia kthejë komunës paratë më datë 08.01.2010.
Rexhepi që vjen nga fshati Dumnicë e Podujevës sikurse edhe ish-kryetari i Asamblesë së Prishtinës, Sami Hamiti, prej kohës sa e ka të shënuar borxhin në komunë, është parë në shumë aktivitete të LDK-së bashkë me Isa Mustafën e krerë tjerë.