Një aksident i rëndë trafiku ka ndodhur sot në orët e hershme të mëngjesit të sotëm në rrugën magjistrale, Prishtinë-Ferizaj.

Rastin për lajmi.net, e ka konfirmuar, zëdhënësja e Policisë së Kosovës për rajonin e Prishtinës, Flora Ahmeti.

Ahmeti ka thënë se si shkak i këtij aksidenti një person ka humbur, ndërsa një tjetër ka pësuar lëndime të rënda trupore.

“Sot rreth orës 04:30,ka ndodhur një aksident trafiku në rrugën Prishtinë- Ferizaj, ku ka qenë i përfshirë një automjet. Si pasojë e aksidentit lëndime të rënda trupore kanë pësuar dy persona, njëri nga të cilët nuk ka arritë të përballojë plagët dhe i njëjti ka vdekur. Vdekjen e viktimës (mashkull) e ka konstatuar ekipi mjekësor në vendin e ngjarjes”, ka thënë Ahmeti.

Ndërkaq tashmë rasti po hetohet nga zyrtarët e njësitit të trafikut rajonal. /Lajmi.net/