Një person ka humbur jetën si shkak i një aksidenti të rëndë trafiku që ndodhi në fshatin Qungur të Pejës.

Rasti ndodhi të dielën rreth orës 18:35.

Policia përmes një njoftimi për media bëri të ditur se deri tek aksidenti ka ardhur si shkak i mospërshtatjes së shpejtësisë me kushtet e rrugës, transmeton lajmi.net.

“Ju informojmë se me datë 2 shkurt 2025, rreth orës 18:35, Policia është informuar për një aksident trafiku i cili ka ndodhur në fshatin Qungur-Pejё.

Nё vendin e ngjarjёs kanё dalё njёsitet kompetente tё Njesitit Rajonal tё Komunikacionit Rrugor (NJRKRR).

Deri te ky aksident dyshohet se ka ardhur, deri sa automjeti ishte duke qarkulluar nё rrugën Pejё-Trestenik, me tё arritur ne fshatin Qungur-Pejё, duke mos ju pёrshtatur shpejtёsisё dhe kushteve tё rrugёs i njëjti humb kontrollin dhe mё pas devijon majtas dhe godet shtyllën e betonit”, thuhet në njoftim.

Policia thekson se si pasojё e kёtij aksidenti vozitёsi kishte ndёrruar jetё në vendin e ngjarjes dhe kёtё e ka konstatuar ekipi mjekёsor.

“Me urdhër të Prokurorit shtetit trupi i pa jetë i viktimës dërgohet në Institutin e Mjekësisë Ligjore në Prishtinë, për Obduksion, ndёrsa rasti vazhdon tё hetohet nga hetuesit e aksidenteve NJRKRR-DRP Pejё”, thuhet në njoftim./Lajmi.net/