Një aksident me fatalitet raportohet të ketë ndodhur sot në rrugën Mitrovicë- Skenderaj, në fshatin Klinë e Ulët.

Policia e Kosovës ka njoftuar se në aksident ishin të përfshira dy vetura, ku si pasojë e lëndimeve të pësuar në aksident ka humbur jetën viktima femër rreth 65 vjeç.

“Sot, rreth orës 12:54,është raportuar për një aksident trafiku  me pasojë  fataliteti  i shkaktuar  në rrugën rajonale  Mitrovicë -Skenderaj  përkatësisht në fshatin Klinë e Ulët.Në  aksident janë  përfshirë   dy vetura, ku si pasojë  e lëndimeve të  pësuara në aksident  ka humbur  jetën viktima femër  rreth 65 vjeçare., ndërsa lëndime kanë  pësuar  edhe katër  persona tjerë  të  cilët  janë dërguar për tretman mjekësor ne Spitalin Rajonal ne Mitrovicë”.

Në lidhje me këtë aksident policia njoftoi se njësitë përkatëse kanë dalë në vendin e ngjarjes dhe po zhvillojnë hetimet në lidhje me aksidentin./Lajmi.net/