Një person ka humbur jetën si pasojë e një aksidenti që ka ndodhur sot rreth orës 17:00 në Kopiliq të Skënderajt.

Rastin për lajmi.net, e ka konfirmuar zëdhënësi i Policisë së Kosovës për rajonin e Skenderaj Avni Zahiti.

Zahiti tha se në aksident janë përfshirë një veturë dhe një këmbësorë, ku si pasojë e lëndimeve të pësuara ka humbur jetën këmbësori i moshës rreth 75 vjeçar.

“Aksident trafiku me fatalitet  Skenderaj, 04 dhjetor 2024 Rreth orës 17:00, është raportuar për një aksident trafiku  me pasojë  fataliteti  i shkaktuar  në  fshatin Kopiliq të  Skenderajt.  Në  aksident janë  përfshirë   një  veturë dhe një  këmbësor, ku si pasojë  e lëndimeve të  pësuara  ka humbur  jetën këmbësori i moshës rreth 75 vjeçar.   Njësitet përkatëse policore kanë dalë në vendngjarje dhe po zhvillojnë hetimet për  aksidentin, ndërsa me urdhër të prokurorit  trupi i pa-jetë është dërguar në Institutin e Mjekësisë Ligjore për obduksion”, ka thënë Zahiti. /Lajmi.net/