Dy persona kanë mbetur të lënduar si pasojë e një aksidenti trafiku që ka ndodhur sot në Deçan, në rrugën që çon drejt Manastirit të Deçanit.

Rastin për lajmi.net e ka konfirmuar zëdhënësi i Policisë së Kosovës për rajonin e Pejës, Fadil Gashi.

Sipas tij, në aksident janë përfshirë dy automjete, ndërsa si pasojë dy persona kanë pësuar lëndime trupore.

“Personat e lënduar janë dërguar për trajtim mjekësor. Lëndimet e tyre janë të lehta”, ka deklaruar Gashi.

Policia ka dalë në vendin e ngjarjes dhe po merret me hetimin e rrethanave që çuan deri te aksidenti. /Lajmi.net/