Një aksident trafiku ka ndodhur sot mes tri veturave dhe një traktori, në fshatin Gllarevë të Klinës.

Rastin për lajmi.net, e ka konfirmuar zëdhënësi i policisë për rajonin e Pejës Driton Rugova.

Rugova tha se si pasojë e këtij aksidenti pesë persona kanë pësuar lëndime trupore, ku të njëjtit janë dërguar ne QKMF-Klinë për tretman mjekësor.

“Sot rreth orës 11:00, Policia është njoftuar për një aksident trafiku i cili ka ndodhur ne fshatin Gllarevë-Klinë, në këtë aksident ishin të involvuara tri vetura dhe një traktor, dhe si pasojë e aksidentit pesë persona kanë pësuar lendime trupore, të njejtit janë dërguar ne QKMF-Klinë për tretman mjekësor”, ka thënë Rugova. /Lajmi.net/