Një aksident trafiku mes një motori elektrik dhe një vetura ka ndodhur në Skenderaj dje gjatë ditës.

Si pasojë e aksidentit, kanë pësuar lëndime dy femra kosovare.

Aksidenti dyshohet se ka ndodhur si pasojë e mos-mbajtjes së distancës nga drejtuesja e motorit duke e goditur veturën prapa.

Të lënduarat kanë marrë trajtim mjekësor dhe më pas janë liruar.

“Rr. Ali Gashi, Skenderaj / 17.05.2026 – 15:44. Raportohet se ka ndodhur një aksident trafiku midis një motori elektrik dhe veture. Si pasojë e aksidentit lëndime trupore kanë pësuar dy viktimat femra kosovare që ishin në motorin elektrik. Aksidenti dyshohet se është shkaktuar si pasojë e mos-mbajtjes së distancës nga drejtuesja e motorit duke e goditur veturën prapa. Të lënduarat pas trajtimit mjekësor janë liruar”, thuhet në raport 24 orësh. /Lajmi.net/