Një aksident trafiku ka ndodhur sot rreth orës 21:00 në magjistralen Ferizaj-Prishtinë, saktësisht në fshatin Prelez të Muhaxherëve të Ferizajt.

Në këtë aksident janë përfshirë një autobus dhe tri vetura ndërsa katër persona janë lënduar, shkruan lajmi.net.

Personat e lënduar janë dërguar për trajtim në Qendrën Emergjente në Ferizaj, por më pas janë liruar.

Lajmin e ka konfirmuar për lajmi.net zëdhënësi i Policisë së Kosovës për rajonin e Ferizajt, Kanun Veseli.

“Me datën 26.01.2025, rreth orës 21:00, kemi pranuar një informatë për një aksident trafiku në rrugën magjistrale Ferizaj-Prishtinë, në fshatin Prelez i Muhaxherëve të Ferizajt. Në aksident janë përfshirë një autobus dhe tri vetura, të gjitha me targa vendore. Në vendngjarje menjëherë kanë dalë ekipet e policisë nga Njësia e Komunikacionit Rrugor, ndërsa hetuesit e aksidenteve kanë kryer ekzaminimin e plotë të vendit të ngjarjes. Përveç dëmeve materiale të shkaktuara në automjete, si pasojë e aksidentit janë lënduar katër persona. Ata janë transportuar për trajtim mjekësor në Qendrën Emergjente në Ferizaj nga ekipet e autoambulancës, më pas janë liruar në shtëpi. Për të gjitha veprimet e ndërmarra nga policia, është njoftuar prokurori i shtetit”, ka thënë Veseli për lajmi.net. /Lajmi.net/