Një veturë zyrtare që duket se i përket zyrtarëve të organeve të drejtësisë në Kosovë (4Z), është përfshirë sot rreth orës 10:30 në një aksident trafiku në qendër të Prishtinës, te semaforët pranë Katedrales.

Vetura zyrtare Toyota me ngjyrë të bardhë ka goditur nga mbrapa një veturë civile.

Një pasagjer ka mbetur i lënduar nga ky aksident.

Në vendin e ngjarjes menjëherë ka dalë ekipi mjekësor i cili e ka dërguar të lënduarin në Qendrën Emergjente të QKUK’së.

Policia është duke bërë shikimin e rastit.