Shpend Ahmeti, duke ia uruar fitoren tashmë homologut të tij nga Tirana, Erion Veliajt, ka përgëzuar edhe të tjerë kandidatë që kanë garuar në zgjedhjet e 21 qershorit për Bashkinë e Tiranës.

“Uroj të gjithë kryetarët fitues të zgjedhjeve vendore në Shqipëri. Erionit i uroj mandat të suksesshëm. Edhe pse bashkëpunimi në mes të Tiranës dhe Prishtinës ka qenë tepër i mirë, ka ende mjaft hapësirë për të shtuar aktivitetin në mes të dy qendrave tona. Në fund i përgëzoj të gjithë kandidatët e Tiranës për fushatën dhe garën”, ka shkruar Ahmeti në Facebook