Lideri i LDK-së Lumir Abdixhiku është deklaruar para fillimit të seancës konstituive të Kuvendit të Kosovës.

Abdixhiku deklaroi se deputetët nga ky subjekt politik nuk do të shkelin Kushtetutën.

“Qëndrim i pandryshueshëm, Nuk mund të votojmë një shkelje të Kushtetutës. Deputetet e LDK-së, nuk mund ta shkelin Kushtetutën. Logjikë e thjesht, nuk mund të jesh edhe deputet edhe ministër. Qëndrimi ynë mbetet i njëtë”, tha kreu i LDK-së, para mediave.

Ai ka bërë thirrje për mos bllokim institucional.

“Deputetët e LDK-së nuk mund të shkelin Kushtetutën, nuk do ta bëjmë asnjëherë. Unë i ftoj të mos bllokojnë, të bëjnë betimin institucional siç ka qenë e paraparë në Ligjin me Qeverinë në vitin 2022, siç ka bërë LDK-ja në dy rastet paraprake. Në vitin 2017, qeveria e udhëhequr nga LDK, ka dhënë dorëheqje ka ardhur ka bërë betim. Kryeministri Avdullah Hoti, ministri i Shëndetësisë Armend Zemaj, nuk kishin ardhur në seancën konstituitive për të bërë betimin. Janë incizimet, ata kanë ardhur në seancën pasuese, pasi kanë dorëzuar mandatet”,tha Abdixhiku.

Me këtë rast, Abdixhiku ka përmendur praktikat e LDK-së në qeverisjet e kaluara.

“Është rregull demokratik të cilën LDK-ja e ka bërë edhe atëherë kur s’ka pasur ligj. Nuk duhet patjetër të kesh ligj për të qenë logjik. Logjika është e thjeshtë, s’mund të jesh edhe ministër, edhe deputetë. Ne nuk po themi që qeveria të mbetet pa zot, ne po themi që këta individë që i kanë këto funksione s’mund t’i shtojnë ato”, ka thënë Abdixhiku./Lajmi.net/