Kryetari i LDK-së, Lumir Abdixhiku, ka përshëndetur vendimin e Gjykatës Kushtetuese, duke e cilësuar atë si një fitore të madhe për demokracinë dhe për Republikën e Kosovës.

Ai theksoi se Gjykata i dha të drejtë kërkesave të LDK-së, duke vërtetuar se partia e parë parlamentare kishte uzurpuar foltoren dhe kishte shkelur në mënyrë të përsëritur Kushtetutën duke imponuar votim të fshehtë, transmeton lajmi.net

Abdixhiku nënvizoi se votimi i fshehtë nuk është kushtetues dhe se tani është koha që të mundësohet demokracia e vërtetë në vend. Ai kritikoi ashpër ata që për gjashtë muaj kanë penguar formimin e institucioneve dhe kanë humbur kohë duke mos respektuar Kushtetutën dhe vendimet e Gjykatës Kushtetuese.

Në fund, kreu i LDK-së bëri thirrje për një rezistencë demokratike, duke kujtuar se Kosova ka shumë patriotë që luftojnë për të vërtetën dhe për rendin kushtetues. Ai paralajmëroi se rreziku i madh është të bëhemi si ata që e shkelin ligjin, pasi kjo do të rrënonte demokracinë dhe do ta kthente Kosovën në një projekt të dështuar.

Postimi i plotë: